جينجر للنساء و البنات فقط

مرحبا بك ايهتها الزائرة ان شاء الله تكونى بخير يشرفنا و يسعدنا انك تنضمى لينا سجلى اوادخلى

ادارة المنتدى


:الأســـــم
:كلمة السـر
تذكرنــي؟
اسم الرابط كما تريده اسم الرابط كما تريده اسم الرابط كما تريده اسم الرابط كما تريده اسم الرابط كما تريده

المواضيع الأخيرة

» مكافحة الحشرات والقوارض والثعابين والعقارب_ راس الخيمة ٠٥٠٩٣٩٩٨٨١
الإثنين مايو 14, 2018 3:23 am من طرف جنى ميرو

» التخلص نهائيا من حشرة الرمة 0509399881
الأحد مايو 06, 2018 6:02 am من طرف جنى ميرو

» معالجة حشرة الرمة نهائيا - الامارات بدبي 0509399881
الأحد أبريل 22, 2018 3:14 pm من طرف جنى ميرو

» عيادات دكتور محمد السملاوى للتجميل والليزر
الخميس سبتمبر 07, 2017 3:22 pm من طرف جنة مرسي

» عيادات دكتور محمد السملاوى للتجميل والليزر
الثلاثاء سبتمبر 05, 2017 4:21 pm من طرف جنة مرسي

» عيادات دكتور محمد السملاوى للتجميل والليزر
الثلاثاء سبتمبر 05, 2017 2:48 pm من طرف جنة مرسي

» ادارة صفحات الفيس بوك
الإثنين سبتمبر 04, 2017 4:25 pm من طرف جنة مرسي

» حقن البوتكس شباب دائم
الإثنين سبتمبر 04, 2017 1:30 pm من طرف جنة مرسي

» حقن البوتكس شباب دائم
الأحد سبتمبر 03, 2017 4:22 pm من طرف جنة مرسي

التبادل الاعلاني

احداث منتدى مجاني

مايو 2018

الإثنينالثلاثاءالأربعاءالخميسالجمعةالسبتالأحد
 123456
78910111213
14151617181920
21222324252627
28293031   

اليومية اليومية


    انا خايفة

    شاطر
    avatar
    gihan
    جينجراية حبوبة
    جينجراية حبوبة

    عدد المساهمات : 31
    تاريخ التسجيل : 13/07/2011
    العمر : 31

    انا خايفة

    مُساهمة من طرف gihan في الأربعاء يوليو 13, 2011 11:24 am





    أنا خــــايفة
    ده مش مجرد عنوان يشدكم
    لاء بجد انا خايفه جدا

    ومين فينا مش خايف !!


    مين مش خايف على نفسه وعلى اهله ؟؟
    مين مش خايف من بكره واللى ممكن يحصل فيه ؟؟
    مين مش خايف يفقد اعز واحب الناس ليه ؟؟
    مين مش خايف يضيع عمره فى الفشل ؟؟

    اكيد كل واحد فينا خايف من حاجة


    طيب هسأل سؤال تانى مالوش علاقه بالاول بس استحملونى

    ايه اللى شاغل بالك ؟؟

    * عاوز تأمن مستقبلك ومستقبل اولادك.
    * عاوز تكون انسان ناجح فى حياتك وفى شغلك.
    * عاوز تكون صاحب سلطه ونفوذ الاهم طبعا صاحب مال.
    * عاوز تبنى بيت واتنين وعشره.
    * عاوز ...عاوز ... عاوز ... محدش فينا هيقول خلاص كفايه.


    يعنى خايف من او على
    ومشغول وسط الدنيا
    وعاوز كل حاجه

    طيب فى وسط ده كله فكرت للحظه
    ان المفروض تخاف على نفسك وبس
    اه خاف على نفسك وبس
    مين هيقول دى انانيه
    ايوا بالظبط كده دى انانيه
    وانا بطالب بالانانيه
    يوم لاينفع فيه مال ولا بنون

    فاكرين سؤالى الاول

    طيب مين فينا مش خايف من

    ..... المـــــــــــوت .....

    بس الخوف من الموت بيختلف من انسان عن التانى
    يعنى هتخاف تموت علشان حياتك واولادك وفلوسك
    ولا هتخاف علشان هتتحاسب على كل صغيره وكبيره !!

    طيب اعتقد لحد دلوقتى الاسئله اللى بسألها طبيعيه ومنطقيه كلنا خايفين نموت ...
    طيب السؤال اللى مش طبيعى بقى

    جاهز تموت ؟!!
    انت جاهز تموت ؟؟

    سؤال غريب بس لو اتسألته هتجاوب تقول ايه ؟؟

    طيب جاهز تتحاسب ؟؟

    جاهز تدخل قبرك ويتقفل عليك وينصرف عنك الاهل والاحباب ...؟؟
    جاهز لنعيم او لهلاك ؟؟
    جاهز تقف قدام ربنا وتاخد كتابك بيمينك او بشمالك ؟؟

    (( اللهم يمن كتابنا ويسر حسابنا ))

    ها ... حد يرد عليا

    عاوزه واحد بس يطلع يقولى اااااه انا جاهز للموت وجاهز للحساب كده بكل ثقه...

    كتير ممكن يكونوا مش خايفين من الموت لانه قضاء ربنا والحمد لله كلنا مؤمنين بيه

    ومسلمين لقضاء الله

    بس حد جاهز فعلا !!

    * بتصلى ... بتصومى ... بتزكى .. اديتى العمره والحج
    برااااافو عليكى .... (طيب يالا جاهزه!!)

    طيب قبل ماتردى على سؤالى
    اقرأى اللى جاى كده وبعده هسألك نفس السؤال

    * قاعده الحريم او الرجاله مش فارقه كتير
    بتحلى غير بسيره الناس ؟؟
    طيب بطلتى غيبه ونميمه علشان تبقى جاهزه للموت!!


    * ♥♫♥♫♥* ♥♫♥♫♥* ♥♫♥♫♥

    * صباح الخير ياحبيبتى ايه مش بشوفك ليه وحشانى موت
    واول ماتسيبها تقول لصاحبتها يااااه دى بت خنيقه اوى وعلى قلبى زى السم
    بطلتى نفاق علشان تبقى جاهزه للموت !!

    * ♥♫♥♫♥* ♥♫♥♫♥* ♥♫♥♫♥

    * شوفتى فلانه شايفه بيتها عامل ازاى
    ولا جوزها انا عارفه بيحبها على ايه
    صحيح ناس ليهم بخت
    بطلتى غيره وحسد علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * بقولك ياماما انا هنزل اروح لـ سمر
    علشان عيانه اوى ولازم اطمن عليها
    الو ايوا ياسمر اوعى تتصلى فى البيت انا قايلالهم انى عندك وانك تعبانه علشان لو ماما سألتك
    بطلتى تخونى الامانه علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * مبقاش الا دى اللى تساوها بيا
    ازاى يعنى تترقى وانا اقدم منها وخبره عنها
    يا أنا ياهى فى الشغل ده
    بطلتى غرور وتكبر علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * يوووه بقولك ايه انا جايه من الشغل تعبانه ومش ناقصاك
    بطلتى تعصى جوزك علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * انتى مجيتيش ليه امبارح يابنتى استنيتك كتير
    معلش يامنى اصلى كنت تعبانه ومقدرتش انزل معاكى .. وهى اصلا كانت خارجه مع واحده تانيه
    طيب بطلتى تكدبى علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * اووووف بقى ياماما هو مفيش غيرى انا فى البيت
    ماعندك كلهم قاعدين اهم ماليش دعوه بقى
    بطلتى تعصى ابوكى وامك علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * مش فاطمه زعلانه منى ومخصمانى ماتصالحينى عليها
    تصالحيها ايه يابنتى بطلى الهبل ده سبيها تخبط راسها فى الحيطه بقى تبقى هى الغلطانه وانتى اللى تروحى تصالحيها كده ميبقاش عندك شخصيه
    بطلتى توقعى بين المسلمين علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    * ايه يابنتى ده لبسك ضيق اوووى
    وايه المهرجان اللى فى وشك ده
    يوه ياماما ما كل البنات كده اشمعنا انا
    انتم هتعقدونى انا لسه صغيره
    (اصل الموت بيفرق بين صغير وكبير)
    بطلتى تقتدى بالاسوء علشان تبقى جاهزه للموت !!


    * ♥♫♥♫♥* ♥♫♥♫♥* ♥♫♥♫♥

    الامثله كتيييييييير ولو قعدنا نعدها مش هتخلص
    حاجات كتير فى يومنا بنعملها واتعودنا عليها
    وبقت بالنسبه لينا عادى جدا مفيهاش اى حاجه

    ومتنسيش بعد الامثله دى كلها وبعد كل الكلام ده
    اللى ممكن اوى يدخل من هنا ويطلع من هنا
    ان فى حاجه اسمها رد المظالم

    اى واحده اغتابتيها
    اى واحده ظلمتيها
    اى واحده خوضتى فى عرضها
    اى واحده ضحكتى عليها
    كل ده موجود ومكتوب عند ربنا وحسابك فى الدنيا والاخره عسير


    هسألك بقى سؤال اخير بس تجاوبى بصراحه

    ولو حتى بينك وبين نفسك ومتكدبيش على نفسك

    لو مثلا عرفتى انك هتموتى وانك هتدخلى الجنه وتتمتعى بنعيمها ان شاء الله

    بس فى شرط واحد بس

    قبل ماتموتى لازم تروحى لكل واحده اغتبتيها

    تقوليلها انا قولت عليكى كذا وكذا وسامحينى

    تفتكرى هتقدرى ... مش هتتكسفى من نفسك ... مش هتندمى ..

    طيب مكسوفه تروحى تقوليلها يبقى بتتكلمى عليها من الاول ليه اصلا ومكسوفه منها
    ومش مكسوفه من ربنا اللى خلقك...

    الموضوع ده اظن محتاج وقفه جامده مع النفس واعاده تفكير وتغيير السواد اللى فى القلوب

    * ♥♫♥♫♥* ♥♫♥♫♥* ♥♫♥♫♥

    مش معنى الكلام ده انى بلا عيوب
    لا طبعا كلنا بنغلط بس بتفرق امتى ؟
    بتفرق من اللى بيعرف غلطه وبيصلحه
    واللى مش مقتنع انه غلط اصلا

    * ♥♫♥♫♥* ♥♫♥♫♥* ♥♫♥♫♥

    مش معنى انى بصلى وبصوم وبزكى و...و...و..
    يبقى انا كده تمام صحيح انا احسن من غيرى كتير

    لسه مبدؤش .. لسه مبيصلوش .. لسه محتاجين صدمه تفوقهم

    والمشكله انهم عارفين ان الصلاه عماد الدين من تركها ترك الدين وبيسيبوها للاسف الناس دى بقولهم بجد فوقوا


    مفيش احلى من القرب من ربنا

    جربى كده وهتشوفى الفرق فى حياتك وفى اولادك وفى زوجك اللى معاكى او لسه ربنا هيرزقك بيه

    وانا معاكى وجانبك هساعدك وهساندك وهنصلى

    وهنتغير للاحسن وهنلغى اى سلوك وحش من حياتنا


    اى سلوك نهانا عنه ربنا اللى بيحبنا

    واللى مفيش حد فى دنيتك دى

    حتى ابوكى وامك هيخاف عليكى

    وهيبقى حنين عليكى وهيحبك تقربيله

    وهيفرح برجوعك له الا ربنا احسن من الخلق اجمعين ..

    وقفى شيطانك وابدئى

    وقوليلى انا معاكى وهبقى احسن

    اوعى تتردى يمكن نيتك للتغيير دى تشفعلك عند ربنا لو قبض روحك دلوقتى.


    *دعوه لغلب الشيطان.
    *دعوه للقرب من ربنا.
    *دعوه لتحسين الاخلاق.
    *دعوه من قلب صادق بيحبكم

    عايز ربنا يظلنا يوم لاظل الا ظله وينادى علينا اين المتحابون فى جلالى
    نرد ونقول احنا يارب اجتمعنا على طاعتك فى الدنيا
    فيجمعنا فى جنته وينعمنا بها فى الاخره

    جاهزه تموتى .... !!!

    سمسمة
    جينجراية جديدة
    جينجراية جديدة

    عدد المساهمات : 23
    تاريخ التسجيل : 13/07/2011
    العمر : 30

    رد: انا خايفة

    مُساهمة من طرف سمسمة في الأربعاء يوليو 13, 2011 1:18 pm

    موضوعك رائع جداااا
    avatar
    مروة حبيبت الكل
    جينجراية نشيطة
    جينجراية نشيطة

    عدد المساهمات : 339
    تاريخ التسجيل : 09/07/2011
    العمر : 19
    الموقع : فتفوته بنوته

    رد: انا خايفة

    مُساهمة من طرف مروة حبيبت الكل في الأربعاء يوليو 13, 2011 1:24 pm

    برافو


    -_-_-_-_-_-_-_-_-_-_-_-_-_توقيع الجنجراية-_-_-_-_-_-_-_-_-_-_-


    avatar
    علي خطي الحبيب
    جنجراية نص نص
    جنجراية نص نص

    عدد المساهمات : 107
    تاريخ التسجيل : 06/07/2011
    العمر : 35

    رد: انا خايفة

    مُساهمة من طرف علي خطي الحبيب في الأربعاء يوليو 13, 2011 3:13 pm

    تسلم ايديكي
    avatar
    مروة حببتى
    جنجراية نص نص
    جنجراية نص نص

    عدد المساهمات : 114
    تاريخ التسجيل : 09/07/2011
    العمر : 39
    الموقع : جنجر

    رد: انا خايفة

    مُساهمة من طرف مروة حببتى في الجمعة يوليو 22, 2011 1:27 am

    ليه بتفقرى عليا واحنا فى عز الليل نموت موت اااااااااااااوف


    -_-_-_-_-_-_-_-_-_-_-_-_-_توقيع الجنجراية-_-_-_-_-_-_-_-_-_-_-
    كنت روميروا سابقا



    avatar
    مروة حبيبت الكل
    جينجراية نشيطة
    جينجراية نشيطة

    عدد المساهمات : 339
    تاريخ التسجيل : 09/07/2011
    العمر : 19
    الموقع : فتفوته بنوته

    رد: انا خايفة

    مُساهمة من طرف مروة حبيبت الكل في السبت أغسطس 06, 2011 12:37 pm

    المفروض يتثبت


    -_-_-_-_-_-_-_-_-_-_-_-_-_توقيع الجنجراية-_-_-_-_-_-_-_-_-_-_-



    lolo11
    جينجراية حبوبة
    جينجراية حبوبة

    عدد المساهمات : 64
    تاريخ التسجيل : 25/06/2011
    العمر : 99
    الموقع : فتفوتة بنوتة

    رد: انا خايفة

    مُساهمة من طرف lolo11 في الأحد أغسطس 07, 2011 9:37 am

    موضوعك جميل جدا جدا برافوا

      الوقت/التاريخ الآن هو الإثنين مايو 28, 2018 10:02 am